தேசத்திற்கான ஜெபம்

1 – 10 மே 2025

சுத்திகரித்துப் புனிதப்படுத்துதல் – பெருமையிலிருந்து விலகுதல்

சங்கீதம் 51:10 “தேவனே, என்னில் சுத்தமான இருதயத்தை உருவாக்கி, எனக்குள் ஒரு நிலைவரமான ஆவியைப் புதுப்பியும்.”

• பெருமை – கடவுள் தேவையில்லை

ஆண்டவரே, உம்முடைய வார்த்தை எங்களை எச்சரிக்கிறது, “அழிவுக்கு முன் பெருமை, வீழ்ச்சிக்கு முன் அகந்தை” (நீதிமொழிகள் 16:18), அதே நேரத்தில் பணிவுடைமை மரியாதையைத் தருகிறது (நீதிமொழிகள் 29:23 “ஒரு மனிதனின் பெருமை அவனைத் தாழ்த்துகிறது, ஆனால், மனத்தாழ்மையுள்ளவன் மகிமையைப் பெறுகிறான்“). பணிவு என்பது உங்கள் மீது அக்கறை செலுத்துவதாகும். என் கட்டுப்பாடுகளை (வரம்புகளை) உணர்ந்து, நான்  சர்வ வல்லமையுள்ளவனும் அல்ல; எனக்கு உங்கள் வழிகாட்டுதலும் உதவியும் தேவை. உங்களிடமிருந்தோ மற்றவர்களிடமிருந்தோ உதவி கேட்க மிகவும் பெருமைப்படாமல், உமக்கு முன்பாக எனக்கு மரியாதையைப் பெற உதவுங்கள்.

• பெருமை – விபரீதமான பேச்சு

பிதாவே, உமக்குப் பயப்படுவது தீமையை வெறுப்பதாகும் என்றும், நீர் பெருமை, ஆணவம், தீய நடத்தை, விபரீதமான பேச்சு முதலியவற்றை வெறுக்கிறீர் என்றும் உம்முடைய வார்த்தை கூறுகிறது (நீதிமொழிகள் 8:13). என்னுள் பெருமையையும் ஆணவத்தையும் அழிக்கும் ஆரோக்கியமான பயத்தை வளர்க்க எனக்கு உதவுங்கள். ஆணவ வார்த்தைகளிலிருந்து என் நாக்கைக் காத்துக் கொள்ளுங்கள்.

• பெருமை – சண்டை சச்சரவுகள்கள்

பிதாவே, பெருமை சண்டைகளை வளர்க்கிறது என்று உம்முடைய வார்த்தை கூறுகிறது; ஆலோசனையை ஏற்றுக்கொள்வதிலிருந்து ஞானம் வருகிறது (நீதிமொழிகள் 13:10). சண்டைகளில் என் பெருமையைக் அடையாளம் காண எனக்கு உதவுங்கள்; எனக்கு ஒரு தாழ்மையான, கற்பிக்கக்கூடிய இதயத்தைத் தாரும்.

• பெருமை – வன்முறை

ஆண்டவரே, துன்மார்க்கர் பெருமையைக் கழுத்தில் அணியும் நெக்லஸ் போல அணிந்து கொண்டு, வன்முறையைத் தங்கள் உடையைப் போல்  உடுத்தி மறைத்துக் கொள்கிறார்கள் என்று உம்முடைய வார்த்தை கூறுகிறது. (சங்கீதம் 73:6) உம்முடைய வார்த்தை பெருமையையும் வன்முறையையும் இணைக்கிறது. இந்தத் பாவங்களிலிருந்து என்னை விடுவித்துவிடுங்கள். நான் மனந்திரும்பும்படி என்னில் உள்ள வன்முறையை வேரோடு அகற்றுங்கள். என்னைத் தாழ்மையுடன் வைத்திருங்கள், ஆண்டவரே.

• பெருமை – பொறுமையின்மை

பிதாவே, நான் பொறுமையற்றவனாக இருக்கும்போது, ​​”ஒரு காரியத்தின் முடிவு அதன் தொடக்கத்தை விட சிறந்தது; பெருமையை விட பொறுமை சிறந்தது” (பிரசங்கி 7:8) என்பதை எனக்கு நினைவூட்டுங்கள். பிதாவே, “மனிதனுடைய ஆணவம் தாழ்த்தப்படும், மனிதனுடைய பெருமை கீழ்படியும் (தாழ்த்தப்படும்); அந்நாளில் கர்த்தர் ஒருவரே உயர்த்தப்படுவார்” (ஏசாயா 2:17) என்று உம்முடைய வார்த்தை கூறுகிறது. ஆண்டவரே, அந்த நாள் வருவதற்கு முன்பு என்னில் உள்ள பெருமையையும் ஆணவத்தையும் நசுக்குவீராக!

• பெருமை – சுய நீதி (நேர்மை)

ஆண்டவரே, பெருமை சிறையிருப்புக்கு வழிவகுக்கும் என்பதால், உமது வார்த்தையைக் கேட்க எங்களுக்கு அறிவுறுத்துங்கள் (எரேமியா 49:16). பிதாவே, பெருமையின் வஞ்சகத்தைக் காண எனக்கு உதவுங்கள் (எரேமியா 49:16). பெருமையும் ஆணவமும் உள்ளவர்களை நீங்கள் தாழ்த்துகிறீர்கள் (தானியேல் 4:37). என் சுயநீதியை எரித்துவிடுங்கள். மற்றவர்களிடம் என்ன தவறு இருக்கிறது என்பதை எப்போதும் சுட்டிக்காட்டும் மத மனப்பான்மையிலிருந்து என்னைக் காப்பாற்றுங்கள்; ஆனால், என்னில் என்ன தவறு இருக்கிறது என்று ஒருபோதும் பார்க்க வேண்டாம். என்னில் உள்ள சொந்த குறைபாடுகளைக் காணவும் அகற்றவும் எனக்கு உதவுங்கள்.

• பெருமை – பிடிவாதமானவர்

பிதாவே, நீங்கள் பிடிவாதமான வல்லமை பொருந்திய பெருமையை உடைத்து, பெருமையின் வானத்தை இரும்பைப் போலவும், பூமியின் தரையை வெண்கலத்தைப் போலவும் ஆக்குகிறீர்கள் (லேவியராகமம் 26:19) என்று உம்முடைய வார்த்தை கூறுகிறது. ஜெபங்கள் உயர்த்தப்படும் கடினமான வாழ்க்கையைச் சித்தரிக்கிறது. சொர்க்கம் அடைபட்டதாகத் தெரிகிறது, இரும்பு கூரையில் மோதி வாழ்க்கை கடினமான ஒன்றாகிறது. பெருமையுள்ளவர்கள் கஷ்டங்களை எதிர்கொள்வார்கள். ஆண்டவரே, என் பிடிவாதமான பெருமையை ஒப்புக்கொண்டு மனந்திரும்ப எனக்கு உதவுங்கள்.

• பெருமை – கடினப்படுத்தப்பட்ட இதயம்

பிதாவே, பெருமை இருதயத்தைக் கடினப்படுத்துகிறது என்று உம்முடைய வார்த்தை கூறுகிறது (தானியேல் 5:20). நீங்கள் என்னில் ஒரு மென்மையான இதயத்தை விரும்புகிறீர்கள் (எபேசியர் 4:32) என் சாந்தம் அனைவருக்கும் தெளிவாகத் தெரியும் (பிலிப்பியர் 4:5). தயவுசெய்து என் இருதயத்தின் கடினத்தை உருக்கி, மனந்திரும்புதலுக்கான கசப்பை வெளிப்படுத்தி, உமது அன்பு, மென்மை, அமைதி முதலியவற்றால் என்னை நிரப்பி, உமது அன்பான பாத்திரமாக இருங்கள்.

• பெருமை – உலக ஞானம்

“பெருமை வரும்போது அவமானம் வரும். ஆனால், மனத்தாழ்மையுடன் ஞானம் வரும்” (நீதிமொழிகள் 11:2) என்று உம்முடைய வார்த்தை கூறுகிறது. பிதாவே, எனக்கு மனத்தாழ்மையை அருளி, உமது ஞானத்தை என் மீது ஊற்றி, உலக ஞானத்திலிருந்து என்னைக் காப்பாற்றுங்கள். நான் மனந்திரும்புவதற்கு ஏதுவாக உலக ஞானத்தைப் பின்பற்றும்போது, அதை எனக்குச் சுட்டிக் காட்டுங்கள்.

பிதாவே, உலகத்தை அதன் தீமைக்காகவும், துன்மார்க்கரை அவர்களின் பாவங்களுக்காகவும் நீங்கள் தண்டிப்பீர்கள் என்று உம்முடைய வார்த்தை கூறுகிறது. அகந்தைக்காரர்களின் ஆணவத்திற்கு நீர் முற்றுப்புள்ளி வைத்து, கொடூரமானவர்களின் அகந்தையைத் தாழ்த்துவீர் (ஏசாயா 13:11). ஆனால், உலகத்தால் கைவிடப்பட்டு வெறுக்கப்பட்டவர்களுக்கு, பிதாவே, நீர் அவர்களை எல்லா தலைமுறையினருக்கும் நித்திய பெருமையாகவும் மகிழ்ச்சியாகவும் ஆக்குகிறீர் (ஏசாயா 60:15).

பிதாவே, “துன்மார்க்கன் தன் அகந்தையிலே உம்மைத் தேடுவதில்லை; அவன் எண்ணங்களிலெல்லாம் உமக்கு இடமில்லை” (சங்கீதம் 10:4) உம்முடைய வார்த்தை எங்களுக்குச் சொல்கிறது. ஆண்டவரே, என் எண்ணங்களில் எப்போதும் உமக்கு இடம் கொடுக்க எனக்கு உதவுங்கள்.

பெருமை உம்மைத் தேடுவதிலிருந்து என்னைத் தடுக்க விடாதே! உம்மைத் தேடுவதிலிருந்து என்னைத் தடுக்கும் பெருமையில் நான் தொடர்ந்து இருக்க அனுமதிக்காதே! கிறிஸ்துவின் சிந்தையுடன் என்னை வைத்திருங்கள், எப்போதும் என் கவலைகளை உமது மீது செலுத்துங்கள். இயேசுவின் நாமத்தில் நான் ஜெபிக்கிறேன். ஆமென்.

11 – 20 மே 2025

சுத்திகரிப்பு & பிரதிஷ்டை – பணிவு

மீகா 6:8 “மனுஷனே, நன்மை இன்னதென்று அவர் உனக்குக் காண்பித்திருக்கிறார். கர்த்தர் உன்னிடத்தில் என்ன கேட்கிறார்? நியாயமாக நடந்து, இரக்கத்தை விரும்பி, உன் தேவனோடு மனத்தாழ்மையாய் நடப்பதை அல்லாமல் வேறே எதையும் அல்ல.”

• பிதாவே, நீர் இஸ்ரவேலர்களை நாற்பது ஆண்டுகள் பாலைவனத்தின் வழியாக வழிநடத்தி, அவர்களைத் தாழ்மைப்படுத்தவும், அவர்களைச் சோதிக்கவும், அவர்கள் இருதயத்தில் உண்மையில் என்ன இருக்கிறது என்பதை நீர் காணும்படி – அவர்கள் உம்முடைய கட்டளைகளைப் பின்பற்றுவார்களா இல்லையா என்பதை நீர் காணும்படி (உபாகமம் 8:2). சில சமயங்களில் என்னைத் தாழ்மைப்படுத்தவும், என் இருதயத்தில் உள்ளதை வெளிப்படுத்தவும், சில பாதைகளில் என்னை வழிநடத்துகிறீர் என்பதைப் புரிந்துகொள்ள எனக்கு உதவுங்கள். ஆண்டவரே, நீர் அங்குக் காண்பதில் மகிழ்ச்சி அடையும்படி என் இருதயத்தைத் தூய்மைப்படுத்துங்கள். உம்மோடு எப்படி மனத்தாழ்மையாக நடப்பது என்று எனக்குக் கற்றுக் கொடுங்கள்.
• பிதாவே, உம்முடைய நாமத்தால் அழைக்கப்படும் உம்முடைய ஜனங்கள் தங்களைத் தாழ்த்தி, ஜெபிப்பார்கள், உம்முடைய முகத்தைத் தேடுவார்கள், தங்கள் பொல்லாத வழிகளை விட்டுத் திரும்பினால், நீர் பரலோகத்திலிருந்து கேட்டு, அவர்களுடைய பாவத்தை மன்னித்து, அவர்களுடைய தேசத்தைக் குணமாக்குவீர்கள் என்று நீர் வாக்குறுதி அளித்திருக்கிறீர் (2 நாளாகமம் 7:14). நிறுவன மறுமலர்ச்சி எனது தனிப்பட்ட மறுமலர்ச்சியுடன் தொடங்குகிறது என்பதைப் புரிந்துகொள்ள எனக்கு உதவுங்கள். என்னைத் தாழ்த்தவும், ஜெபிக்கவும், உமது முகத்தைத் தேடவும், என் சொந்த தீய வழிகளை ஒப்புக்கொண்டு அவற்றிலிருந்து திரும்பவும் எனக்கு உதவுங்கள். பரலோகத்திலிருந்து என்னைக் கேட்டு, என் பாவங்களை மன்னித்து, என் இதயத்தைக் குணப்படுத்தியதற்கு நன்றி.
• என் பிதாவே, நீர் உமது ஜனங்களில் மகிழ்ச்சியடைவதை நான் கொண்டாடுகிறேன்; (சாந்த குணமுள்ளவர்களை) தாழ்மையானவர்களை இரட்சிப்பால் முடிசூட்டுகிறீர் (சங்கீதம் 149:4).
• ஆண்டவரே, உம்முடைய கரம் வானத்தையும் பூமியையும் சிருஷ்டித்தது; அவை உம்மாலேயே உண்டாயின. உம்முடைய வார்த்தை, “இவர்தான் நான் மதிக்கிறேன்: மனத்தாழ்மையுள்ளவரும், ஆவியில் நொறுங்குண்டவரும், என் வார்த்தைக்கு நடுங்குபவருமாயிருக்கிறவர்” (ஏசாயா 66:2) என்று அறிவிக்கிறது. நான் மிகவும் மனத்தாழ்மையுள்ளவரும், ஆவியில் நொறுங்குண்டவருமாக மாறவும், உமது வார்த்தைக்கு நடுங்கவும் இரக்கத்தையும் கிருபையையும் ஊற்றுங்கள். என் இரட்சகரும் மீட்பருமானவரே, உம்முடைய நுகத்தை எடுத்துக்கொண்டு, உம்மிடமிருந்து மென்மையையும் மனத்தாழ்மையையும் கற்றுக்கொள்ள எனக்கு உதவுங்கள், என் ஆத்துமாவுக்கு இளைப்பாறுதல் கிடைக்கும் (மத்தேயு 11:29).
• மரியாளைப் போலவே, பிதாவே, என் ஆத்துமா உம்மை மகிமைப்படுத்த உதவுங்கள். என் ஆவி உம்மில் களிகூரட்டும்; என் இரட்சகரே, நீர் தாழ்மையானவர்களைக் கருதுகிறீர் (லூக்கா 1:46-48). மிகுந்த மனத்தாழ்மையும், சாந்தமும், நீடிய பொறுமையும், அன்பினால் மற்றவர்களைத் தாங்கிக்கொள்ளவும் எனக்குக் கட்டளை இடுங்கள் (எபேசியர் 4:2). கீழ்ப்படிய உமது ஆவியால் எனக்கு அதிகாரம் அளிக்கவும். என் இருதயத்தைக் குணமாக்கி, தீமையிலிருந்து என்னை விடுவிப்பீராக. நான் முழு மனத்துடன் கீழ்ப்படியும்படி உமது அன்பின் அறிவால் என்னை நிரப்புவீராக; உமது நிலையான இருப்பையும், மனந்திரும்புதலுக்கு வழிவகுக்கும் உமது அன்பின் ஆழத்தையும் அறிந்து, பாதுகாப்பாக நடக்க உதவும்.
• பிதாவே, உமது ஏராளமான கிருபைக்கு நன்றி. நீர் பெருமையுள்ளவர்களை எதிர்க்கிறீர், ஆனால், தாழ்மையானவர்களுக்கோ கிருபை அருளுக்கின்றீர் (யாக்கோபு 4:6). ஆண்டவரே, என் வாழ்க்கையின் அனைத்துப் பகுதிகளிலும் ஜெயங்கொள்ளும் கிருபையை எனக்கு அருளும்.
• பிதாவே, நான் உமக்கு முன்பாக என்னைத் தாழ்த்த விரும்புகிறேன், எனக்கு உம் மீதுள்ள நம்பீக்கை என்னை உயர்த்தும் (யாக்கோபு 4:10). கடவுளே, உமது ஆவியின் வல்லமையால், நான் இணக்கமாக வாழவும், அனுதாபப்படவும், குடும்பமாக அன்பு செலுத்தவும், இரக்கமுள்ளவராகவும், மனத்தாழ்மையுள்ளவராகவும் இருக்க எனக்கு உதவுங்கள். (1 பேதுரு 3:8).
• பிதாவே, எல்லோரிடமும் நான் மனத்தாழ்மையாக இருக்க எனக்கு உதவுங்கள். ஏனென்றால், நீர் பெருமையுள்ளவர்களை எதிர்த்து நிற்கிறீர்; ஆனால்,  தாழ்மையுள்ளவர்களுக்கு கிருபை அருளுகிறீர் (1 பேதுரு 5:5). எனக்கு எப்போதும் உமது கிருபை தேவை. எனவே, உமது கிருபையை வரவேற்கும் தாழ்மையான தோரணையைப் பராமரிக்க எனக்கு உதவுங்கள்.
• அன்பான ஆண்டவரே, என் இருதயத்தையும் என் உள்ளத்தையும் உமது பரிசுத்த ஆவியின் நெருப்பால் தூண்டியெழுப்புங்கள், அதனால் நான் உமக்குத் தூய்மையுடன் சேவை செய்வேன்.
• ஆண்டவரே, என் வார்த்தைகளும் என் இருதயத்தின் தியானமும் உமக்கு ஏற்றுக்கொள்ளத்தக்கதாக இருக்கட்டும். என் ஜெபங்களையும் எண்ணங்களையும் உமது பரிசுத்த ஆவியால் வழிநடத்தி, உமது வார்த்தையைக் கேட்க எனக்குக் கிருபையை அருளுங்கள். மாம்ச ஆசைகளுக்கு அல்ல, உமது சத்தியத்திற்கு என் இருதயத்தை மென்மையாக்குங்கள்.
• இயேசு கிறிஸ்துவின் நாமத்தில் நான் ஜெபிக்கிறேன். ஆமென்.

21 – 31 மே 2025

“அர்ப்பணமும், பரிசுத்தமும் (நிறைந்த வாழ்க்கை)

யாத்திராகமம் 28:3 “ஆரோன் எனக்கு ஆசாரியனாக ஊழியம் செய்யத்தக்கதாக அவனைப் பரிசுத்தம்படுத்தும்படி, அவனுக்கு வஸ்திரங்களை உண்டாக்கும் பொருட்டு, நான் ஞானத்தின் ஆவியால் நிரப்பின விவேகமான இருதயமுள்ள யாவரோடும் நீ கர்த்தருக்குச் செய்யுங்கள்” என்று சொல்லுங்கள்.

கொலோசெயர் 3:23 “நீங்கள் எதைச் செய்தாலும், மனிதரிடமிருந்து அல்ல, தேவனிடத்திலிருந்து உமக்குப் பலனைப் பெறுவீர்கள் என்பதை அறிந்து, அதை உங்கள் முழு இருதயத்தோடும் கர்த்தருக்குச் செய்யுங்கள்.”

• கர்த்தாவே, எங்கள் ஒவ்வொருவரையும் முழுமையாகவும் புனிதமாகவும் உமது பரிசுத்த நோக்கத்திற்கு அர்ப்பணிக்க விரும்புகிறீர். எங்கெங்கு நாங்கள் உம்மிடம் ஒப்புக் கொடுக்காமல் தடுக்கிறோமோ, அங்கெல்லாம் எங்களுக்குக் காண்பிக்கவும். எங்கள் இதயங்களில் எங்கள் விருப்பமே சிறந்ததாக இருப்பதை, பெருமை என்னும் ஆளுமை எங்கு உள்ளது என்பதை வெளிப்படுத்தவும், நாங்கள் மனந்திரும்பி உமது கட்டளைகளுக்கும், வசனத்திற்கும் கீழ்ப்படியக் கற்றுக்கொள்ளட்டும்.
• உமது பரிசுத்தத்துக்கு எதிரான எல்லா பாவங்களுக்கும் எங்கள் மனந்திரும்பட்டும்! எளிமையுடன் உம்மை விழுந்து தொழுந்து,  எங்களையே உமது காலடியில் வைக்கிறோம்; அர்ப்பணிப்பு என்பதில் மகிழ்ச்சி அடைகிறோம். நாங்கள்  அர்ப்பணிக்கப்பட்ட ஜனமாக இருக்க மகிழ்ச்சியுடன் வாழட்டும். நாங்கள் யாவற்றையும் – நாங்கள் யார், நாங்கள் என்ன வைத்திருக்கிறோம், நாங்கள் கனவுகளாக நினைப்பவையும் – அனைத்தையும் தியாகமாகவே பலிபீடத்தில் வைக்கிறோம். உம்முடைய விருப்பங்கள் எங்களுடைய விருப்பமாகட்டும்; உம்முடைய ஆசைகள் எங்களுடைய ஆசையாகட்டும்; நீர் விரும்புகிறதை நாங்களும் விரும்பி, நீ வெறுக்கிறதை நாங்களும் வெறுக்கவும் செய்யும்.
• எங்களைப் பரிசுத்த ஜனமாக மாற்றும், ஆண்டவரே! நாங்கள் எங்கள் பாவத்திற்கு இறக்கவும், எங்கள் பாவப்பெருக்கங்களை இயேசுவோடு சிலுவையில் அறைந்துவிடும். நாங்கள் உமக்காக மட்டுமே வாழவும், உமது நோக்கங்களையும் மகிமையையும் மட்டுமே நாடவும், நாங்கள் முழுமையாக உமக்காக வாழ உதவும். ஜெபத்தில் ஊக்கத்துடனும் ஆர்வத்துடனும் இருக்கட்டும். உம்மீது பெரிய விசுவாசமுள்ள ஜனமாக இருக்கட்டும்.
• கர்த்தாவே, எங்கள் இருதயங்களை மாற்றும்! எங்களைப் பாவங்களிலிருந்து சுத்தமாக்கும், உமது பரிசுத்த ஆவியின் சக்தியால் எங்களை உம்முடைய பார்வையில் பரிசுத்தமாக்கும். நாங்கள் அமைதியாக இருத்தாலும், உம்மால் மாற்றப்படுவதால் அனுபவிக்கட்டும். பாவத்தின் மீதான உமது வெற்றியை அனுபவிக்கட்டும். நீர் வெளிச்சமாக இருப்பது போல, நாங்களும் வெளிச்சத்திலே நடக்கவும்;  உம்முடனும் ஒருவரோடொருவர் சமாதானத்துடனும் இணைவாக இருக்கட்டும்.
• இயேசுவைப் போன்றவர்களாக ஆகுவதில் மகிழ்ச்சியடையச் செய்யும். துன்பங்களைச் சந்திக்கையில் மகிழ்ச்சியடையச் செய்யும். ஏனெனில், அவை எங்களைப் பரிசுத்தமாக்க உம்மால் பயன்படுத்தப்படுகின்றன. வாழ்க்கையின் சோதனைகளுக்கு நன்றி கூறுகிறோம் –அவை எங்களை முதிர்ச்சியடையச் செய்யும் உமது கருவிகள். நாங்கள் உமது பரிசுத்தத்தையும், உமது நெயர்வையும், உமது ஆவியையும், உமது வல்லமையையும், உமது வசனத்தையும் நாடுகிறோம். உமது நீதி மேல் பசியாகவும் தாகத்துடனும் இருக்க செய்வாயாக.
• நாங்கள் எங்களது வலிமையை நம்பி முயற்சிக்க முடியாது. நாங்கள் உம்மை மட்டுமே நம்ப வேண்டும் – உமக்கே வெற்றி உண்டு! எங்களை உமக்கு நெருக்கமாக வைத்துக்கொண்டு, எப்போதும் உமது சித்தத்திலேயே எங்களை இருக்கச் செய்யும்! ஒவ்வொரு தருணமும் எங்கள் இருதயம் உம்மோடு சரியாக இருக்கட்டும். எங்கள் நோக்கங்கள் சரியாக இருக்கட்டும்; எங்கள் சித்தம் சரியாக இருக்கட்டும் – அனைத்தும் உமக்கே சரியாக இருக்கட்டும்!
• கர்த்தாவே, நீர் உம்மை முழு இருதயத்தோடும், ஆத்துமாவோடும், மனத்தோடும், வலிமையோடும் நேசிக்க வேண்டும் என ஆணை கொடுத்தீர். உமது வசனத்தால் எங்கள் இருதயங்களை ஒளியூட்டும். எங்களை உம்வசமாக இழுத்துக்கொண்டு வாரும். உம்மீது பெரிய விசுவாசம் கொள்ள உதவுக. உம்மை அறிய உதவுக. நித்தியஜீவன் என்பது உம்மையும், பிதாவையும் அறிதலே என்பதைக் காண்பிக்கிறீர். எங்கள் வாழ்க்கையில் நீர் ஆண்டவராய் இல்லாத பகுதிகளை எங்களுக்கு வெளிப்படுத்தும். இன்று முழுமையாக உமக்கு ஒப்புக்கொடுக்க நாங்கள் தயாராக இருக்க உதவும். உமது வசனமும், ஜ்வலிக்கும் ஒளியும் எங்கள் உள்ளத்தின் இருண்ட பகுதிகளை ஒளியூட்டட்டும். எங்களை அழிக்கக்கூடிய பாவங்களை நீக்கும். நாங்கள் பாவத்திற்கு மரணடைந்தவர்கள் என்று எண்ணட்டும். பழைய இயற்கையை மறந்துவிட்டு, கிறிஸ்துவில் புதிய ஜீவனுடன் உயிர்த்தெழுந்தவர்கள் என்று எண்ணட்டும். உமது வல்லமையினால் வாழட்டும். எங்கள் தகுதியில் எதுவும் இல்லை என்பதை உணர்த்தும்.
• உமது வசனத்தில் உள்ள ஆவிக்குரிய பொக்கிஷங்களையும் சத்தியத்தையும் காண எங்கள் கண்களைத் திறக்கவும். எங்கள் பாவங்களை எங்களுக்குக் காண்பிக்கவும். ஒவ்வொரு பாவத்திற்கும் தனிப்பட்ட முறையிலும், ஒருங்கிணைந்த முறையிலும் மனந்திரும்ப செய்யும். எங்களைத் தூய்மைப்படுத்தும். உமது ஆவியின் ஒரு பெரிய இயக்கத்தை அனுப்பும் – இந்தத் தலைமுறையில் பரிசுத்தமும், நீதியும், தேவபக்தியுடனும் நிறைந்த ஒரு தலைமுறையாக எழும்பச் செய்யும். உலகத்தின் பொய்களையும் எதிரியின் ஏமாற்றங்களையும் காண செய்யும். உமது சத்தியத்தைப் பின்பற்றச் செய்யும். முழுமையாக ஒப்புக்கொடுத்து உமக்கு கீழ்ப்படியும் வாழ்க்கையை வாழச் செய்யும். உம்மை முழு இருதயத்துடன் நேசிக்கவும், மற்றவர்களைத் தேவனின் அன்போடு நேசிக்கவும் வல்லமையளிக்கவும் செய்யும்.
• உமது வல்லமை எங்கள்மேல் பெருகட்டும்; எங்கள் உள்ளங்களை உமது ஆவிற்கும், ஞானத்திற்கும், இயேசுவின் சாயலில் மாற்றப்படும் உமது பணிக்கும் திறந்து வைத்திருக்க உதவும். நாங்கள் அல்ல, இயேசு எங்களுள் வாழ துவங்கச் செய்யும். கிறிஸ்துவின் முடிக்கப்பட்ட வேலைகளில் ஓய்வெடுக்க கற்றுக்கொள்ளச் செய்யும். “இதை என்னால் செய்ய முடியாது! எனக்கு நீர் தேவை! நீரே அனைத்தையும் முடித்துவைத்தீர்!” என்று ஒப்புக்கொள்வதற்குத் தயார் ஆக்கும். பிறகு, ஆவியில் எளிமையாக நடந்து, ஜீவனையும் சமாதானத்தையும் நோக்கி மனதை அமைத்திருக்க கற்றுக்கொள்ளச் செய்யும்.
• உம் விருப்பமே எங்களுக்கும் விருப்பமாக இருக்கட்டும். நீர் நேசிக்கிறதை நாங்கள் நேசிக்கவும். நீர் வெறுக்கும் பாவங்களை நாங்கள் வெறுக்கவும் வழிகாட்டும். நாங்கள் பாவத்தின் மீதான வெற்றியில் வாழட்டும், ஏனெனில், நீர் எங்களுள் வாழ்கிறீர்; நீர் பாவத்தையும் மரணத்தையும் ஜெயித்தீர். எங்களுள் ஒரு தீயாக உம்மை நாடும் ஆவியை ஏற்கச் செய்யும்.
• நாங்கள் உமது உபயோகத்திற்கு எங்களை அர்ப்பணிக்கட்டும். நீர் விரும்புகிறபடி எங்களைத் தனிப்படுத்தியவர்களாக இருக்கட்டும். எங்கள் சித்தத்தைச் சிலுவையில் அறைத்து, உமது சித்தத்தை நாடும் மனப்பான்மையுடன் வாழச்செய்யும். மகிழ்ச்சியுடன் இது என் பிரார்த்தனை என நாங்கள் அறிவிக்கவும்:
  “எனக்கு எதுவும் வேண்டாம்; அனைத்தும் கிறிஸ்துவிற்கும் அவருடைய ராஜ்யத்திற்குமே  வேண்டும்!”
• இயேசுவின் நாமத்தில் நான் ஜெபிக்கிறேன். ஆமென்.