அரசாங்கத்திற்கான பிரார்த்தனை

தோட்டத் தொழில்துறை  மற்றும் மூலப்பொருள்கள் அமைச்சு – MPIC

அமைச்சர்: மாண்புமிகு டத்தோ ஹாஜா ஜூரைடா பிந்தி கமாருதீன்

துணை அமைச்சர்: மாண்புமிகு  டத்தோ ஸ்ரீ டாக்டர். வீ ஜெக் செங்

உபாகமம் 8: 7-8 “உன் தேவனாகிய கர்த்தர் உன்னை ஒரு நல்ல தேசத்திற்குக் கொண்டுவருகிறார்; அது பள்ளத்தாக்குகளிலும் மலைகளிலும் இருந்து புறப்படுகிற நீரோடைகள், நீரூற்றுகள், ஏரிகளும் உள்ள தேசம்; அது திராட்சச் செடிகளும்,கோதுமை,  அத்தி மரங்கள் மற்றும் மாதளஞ்செடிகளும்  உள்ள நிலம்; அது ஒலிவ மரங்களும்,எண்ணெய் மற்றும் தேனும் உள்ள தேசம்”.

தோட்டத் தொழில்கள்  துறை மற்றும் மூலப்பொருட்கள் அமைச்சு (MPIC) என்பது மலேசிய அரசாங்கத்தின் ஓர்அமைச்சகமாகும். இது தோட்டத் தொழில்துறை மற்றும்  மூலப்பொருள்களுக்குப் பொறுப்பாகும்: எண்ணெய்ப்பனை, ரப்பர், காட்டு மரம், கொக்கோ, மிளகு, கெனாஃப், உயிரி எரிபொருள் மற்றும் புகையிலைமுதலிய மூலப்பொருள்களுக்கும் பொறுப்பாகும்.

 

• ஆண்டவரே, பொருளாதார மீட்சியின் இந்தக் கோவிட் காலக்கட்டத்தில் பொருளாதாரத்தை மறுசீரமைப்பதில் அரசாங்கத்தின் வழிகாட்டுதலுக்கு ஏற்ப, மூலப்பயிர்களின் வளர்ச்சியை மேம்படுத்தும் கொள்கைகளை உருவாக்கிச் செயல்படுத்துவதற்கான ஞானம் அமைச்சருக்கும் அவருக்கு ஆதரவளிக்கும் அனைத்து அரசு ஊழியர்களுக்கும் இருக்க வேண்டும் என்று நாங்கள் பிரார்த்திக்கிறோம்.

 

• எண்ணெய்ப் பனை தோட்டத்தில் சிறு உடமையாளர்கள் தொடர்பான கொள்கைகள், சிறு விவசாயிகளின் நலன் மற்றும் துறையில் வெற்றியைப் பாதுகாக்கும் ஒன்றாக இருக்க வேண்டும். மேலும் இந்தக் கொள்கைகள் மலேசியர்களுக்கு விவசாய மூலப்பொருள்கள் துறையில் வேலை வாய்ப்புகளை உருவாக்கும் ஒன்றாக இருக்க வேண்டும் என்று நாங்கள் பிரார்த்தனை செய்கிறோம். கர்த்தாவே, சமுதாயத்தின் அனைத்து மட்டங்களும் ஒன்றிணைந்து செழிக்கும் வகையில், சிறுதொழில் செய்பவர்களின் வருமான அளவை உயர்த்துவதற்குச் செயல்படுத்தக் கூடிய உத்வேகத்தையும் யோசனைகளையும் கொள்கை வகுப்பாளர்களுக்கு வழங்க ஞானம் வருமாறு மன்றாடுகிறோம். இறைவா, இத்துறையில் இருப்பவர்கள் கண்ணியத்துடன் வாழ்வதற்குப் புதிய வேலை வாய்ப்புகளைத் திறந்து தருமாறு வேண்டிக்கொள்கிறோம்.

 

• தந்தையே, உங்கள் பிரசனம் இந்தத் துறைகளில் ஊடுருவி இருப்பதால், தொழில்துறையில் உள்ள மற்றவர்கள்முன்னேற உதவுவது எப்படி என்பது உட்பட, தாராளமான பங்கு வளங்களாக, வெற்றியைப் பெற்ற முதலாளிகள், நிறுவனங்களின் இதயங்களைத் திறப்பீர்கள் என்று நாங்கள் பிரார்த்தனை செய்கிறோம்.

 

• இறைவா, மலேசிய வெளிநாட்டுத் தொழிலாளர்கள் எதிர்கொள்ளும் பல இருண்ட பிரச்சினைகளை (கோவிட் பருவத்தில்) நீங்கள் வெளிப்படுத்தியதற்கு நன்றி. எண்ணெய்ப்பனை தொழில் மலேசியப் பொருளாதாரத்தின் முதுகெலும்பாக இருந்தாலும், தேசத்தின் செழிப்பு வெளிநாட்டுத் தொழிலாளர்களைப் துஷ்பிரயோகம்செய்தும் சுரண்டல் மூலமும் பெற்றது என்பதை நாங்கள் ஒப்புக்கொள்கிறோம்; உங்கள் மன்னிப்பைக் கோருகிறோம். மூடப்பட்ட எல்லைகளுடன் தொற்றுநோய்களின் போது தொழிலாளர் பற்றாக்குறை மோசமடைந்தது மற்றும் புலம்பெயர்ந்தோரைப் பணியமர்த்துவதில் மத்திய அரசாங்கத்தின் நீண்டகால முடக்கம், புதிய சர்வதேச ஊழியர்களுக்கான நுழைவைக் குறைத்தது.

 

இயேசுவே, வெளிநாட்டுத் தொழிலாளர்களை நிர்வகிப்பதற்கு உருவாக்கப்பட்ட கொள்கைகள் மற்றும் ஒழுங்குமுறைகள் இத்துறை புத்துயிர் பெற உதவுவதோடு, இந்தத் துறையைக் கட்டியெழுப்ப நாட்டிற்கு வரும் தொழிலாளர்களுக்கு நல்ல நலனை உறுதி செய்யும் ஒன்றாக இருக்கும் என்று கேட்டுக் கொள்கிறோம். தந்தையே, இந்தத் துறையில், குறிப்பாக வெளிநாட்டுத் தொழிலாளர்களை நிர்வகிப்பதில் நீதியும் நேர்மையும் இந்த ஊழியத்தில் நிலைநாட்டப்பட வேண்டும் என்று நாங்கள் பிரார்த்தனை செய்கிறோம். ஆண்டவரே, இந்த தொழிலாளர்களை நாங்கள் மதிப்போம், அவர்களைச் சுரண்டாமல் இருப்போம், இது உமது கோபத்தை வரவழைக்கும்.

 

விவசாயம் மற்றும் உணவுத் தொழில்கள் – MAFI

மூத்த அமைச்சர்: மாண்புமிகு டத்தோ ஹீ டாக்டர் ரொனால்ட் கியாண்டி

துணை I : மாண்புமிகு டத்தோ ஹீ அஜீ அஹ்மத் ஹம்சா

துணை II: மாண்புமிகு  டாக்டர் நிக் முஹம்மது ஜவாவி சாலே

 

நீங்கள் நிலத்தைக் கவனித்து, அதற்கு நீர் பாய்ச்சுகிறீர்கள்; தண்ணீர் நிறைந்த தேவ ந்தியினால் அதை மிகவும்வளப்படுத்துகிறீர்கள். கடவுளின் ஓடைகள் மக்களுக்குத் தானியங்களை வழங்குவதற்காகத்  தண்ணீரால் நிரம்பியுள்ளன. ஏனென்றால்,  நீங்கள் அதை நியமித்தீர்கள். நீ அதின் பள்ளங்களை நனைத்து, அதன் முகடுகளைச் சமன் செய்கிறீர்கள்; நீர் அதை மழையால் மென்மையாக்கி, அதன் பயிர்களை ஆசீர்வதிக்கிறாய். நீ உன் அருளால் ஆண்டை முடிசூட்டுகிறாய், உன் வண்டிகள் மிகுதியால் நிரம்பி வழிகின்றன. வனாந்தரத்தின் புல்வெளிகள் நிரம்பி வழிகின்றன; மலைகள் மகிழ்ச்சியால் மூடப்பட்டிருக்கும். புல்வெளிகள் மந்தைகளால் மூடப்பட்டிருக்கும் மற்றும் பள்ளத்தாக்குகள் தானியங்களால் மூடப்பட்டிருக்கும்; அவர்கள் ஆனந்தக் கூச்சலிட்டுப் பாடுகிறார்கள்.(சங்கீதம் 65:9-13)

 

1) ஆண்டவரே, இந்த அமைச்சின் பங்கின் முக்கியத்துவத்தை உணர்ந்து, தேசங்களில் வசிக்கும் அனைத்து மக்களுக்கும் உணவுப் பாதுகாப்பை உறுதி செய்வதற்குத் தேவையான நடவடிக்கைகளை எடுப்பதற்கான ஞானத்தை அமைச்சருக்கும்  அதன் ஊழியர்களுக்கும் வழங்குமாறு நாங்கள் பிரார்த்தனை செய்கிறோம். .

• இறைவா, நில உரிமையாளர்களும் மாநில அரசுகளும் மூலப்பயிர் அல்லது விற்பது அல்லது தங்கள் நிலத்தைக்கட்டுமானம்/கட்டிடத் துறைகளுக்கு மாற்றுவது போன்றவற்றின் லாபத்தைப் பார்க்காமல், தங்கள் நிலத்தை உணவு-விவசாயத்தில் வைத்திருப்பதில் அவர்களின் முடிவு முக்கியமானது என்பதை அங்கீகரிக்க வேண்டும் என்று நாங்கள் பிரார்த்தனை செய்கிறோம். நாட்டின் உணவுப் பாதுகாப்புக்காக முக்கியத்துவம் தர வேண்டுகிறோம்.
• உற்பத்தித்திறனை மேம்படுத்த சமீபத்திய தொழில்நுட்பத்தில் முதலீட்டை ஊக்குவிக்கும் வழிகளை MAFIகண்டுபிடிக்க வேண்டும். இயந்திரங்களைத் தத்தெடுப்பு மற்றும் ஆதரவு உள்ளிட்ட காரியங்களில் அமைச்சின் ஈடுபாடு வேண்டும் என்று இறைவனே வேண்டுகிறோம். பருவநிலை மாற்றத்தால் அதிகரித்த இயற்கை பேரிடர்களால் ஏற்பட்ட அழிவு மற்றும் இழப்பை மேற்கொள்ள  ஏற்ற நடவடிக்கைகளை மேற்கொள்ளவும் பிரார்த்திக்கிறோம்.
• தந்தை ஆண்டவரே, சமுதாயத்தின் ஒவ்வொரு பிரிவினருக்கும் உணவு விநியோகத்தின் சீரான திட்டமிடல் இருத்தல் இருக்க நாங்கள் பிரார்த்தனை செய்கிறோம். தேசிய பேரிடர் மேலாண்மை நிறுவனம் (NADMA),மலேசிய நலன்புரித் துறை (JKM) மற்றும் உள்நாட்டு வர்த்தக அமைச்சு முதலிய முகவர்களிடையே நல்ல ஒத்துழைப்பும் தெளிவான தகவல் தொடர்பும் இருக்க நாங்கள் பிரார்த்தனை செய்கிறோம். உணவு வங்கிகள், ஊட்டச்சத்துத் திட்டங்கள் மற்றும் இயற்கை பேரிடர் காலங்களில் உணவு விநியோகம் போன்ற திட்டங்கள்மூலம்,. இந்த இக்கட்டான நேரத்தில் உணவை மேசையில் வைக்க முடியாமல் தவிக்கும் B40 யில் இருப்பவர்களையும், M40 குழுவில் உள்ளவர்களையும் கடவுள் பாதுகாத்து அவர்களின் தேவைகளைப் பூர்த்தி செய்து அவர்களுக்கு நம்பிக்கை அளிக்க வேண்டும் என்று பிரார்த்திக்கிறோம்.

 

2)   உக்ரைனும் ரஷ்யாவும்  உலகின் கோதுமை ஏற்றுமதியில் கிட்டத்தட்ட 30%, உலகின் சோளத்தில் 19% மற்றும் சூரியகாந்தி எண்ணெயின் உலகளாவிய விநியோகத்தில் 80% ஆகியவற்றை வழங்குகின்றன. தற்போதைய சூழ்நிலை உணவுப் பொருள்களின் விலை உயர்வை அதிகரிக்கச் செய்யும்.;அதிக விலைக்கு வாங்குவதைத் தவிர நுகர்வோருக்கு வேறு வழியில்லை.

• தற்போது அதிகரித்து வரும் உணவு விலையில் இருந்து எங்கள் தேசத்தை வழிநடத்தும் ஞானத்தை எங்கள் தலைவர்களுக்கும் அரசாங்கத்திற்கும் வழங்கவும். சரியான முறையில் பதிலளித்து, எங்கள் தேசத்தில் உள்ள அனைவருக்கும் உணவுப் பொருள் தொடர்ந்து மலிவு விலையில் கிடைப்பதை உறுதிசெய்ய தேவையான நடவடிக்கைகளை எடுக்க வேண்டும் என்று நாங்கள் பிரார்த்தனை செய்கிறோம். . இயேசுவின் நாமத்தில், ஆமென்